Hoxe, en busca de traballo perdido, pasamos polo ximnasio e, para a nosa sorpresa, encontrámonos cun bonito mural sobre a reciclaxe. Para empezar, podemos ver resaltado o símbolo da reciclaxe, rodeado de dous mundos paralelos que nos mostran a vida con e sin a reciclaxe: dunha banda un mundo no que a polución e a suciedade están á orde do día, e outro limpiño, o mundo que desexamos.
Esta obra está sendo realizada polos alumnos Sergio, Marcos, Adrián, Cris e Checho, de 3º da ESO, e Antón e Miguel, de 4º da ESO.
Preguntándolle aos artistas, contáronnos que os materias que están empregando son “sprays", e botes de pintura ecolóxicos, axudándose dunhas plantillas para debuxar na parede.
Entrevistamos a Patricia, profesora de plástica de secundaria:
Pregunta: Sobre que tema trata este mural?
Resposta: Loxicamente, trata sobre o tema dos tres “erres”: Redución, Reciclaxe e Reutilización. Ven sendo un traballo bastante simplón, pero efectivo para esta semana.
P: Como o facedes?
R: A idea é que fagan un debuxo dos elementos que contaminan o medio ambiente e por outro lado os animais aos que lles afecta. No centro debuxaron o signo característico da reciclaxe.
P: Que materiais estades a utilizar?
R: Para o fondo utilizamos un método máis rudimentario, pero efectivo, como é o pulverizador a presión, moi fácil de manexar. Por outra parte empregamos “sprays”. Como non son ecolóxicos explicamos aos nenos, mediante cartéis, como funcionan, o que conteñen dentro e que facer con eles unha vez rematados.
P: En que lles axudas?
R: Eu axudo de xeito que os animo, e de vez en cando voto algunha bronca… Non, é broma, en verdade só axudo animándoos e organinzando un pouco o traballo.
P: Por que escolliche a estes nenos?
R: Porque fixemos unha selección e foron eles quen escolleron artes como opción prioritaria. Benvidos.
P: Estas contenta co traballo realizado?
R: Estou contenta aínda que o resultado final poida ser regular.
Ningún comentario:
Publicar un comentario